வரலாறு காணாத உச்சத்தை எட்டுகிறது தங்கம்.. இனி வரும் காலங்களில் மேலும் வேகம் பெறுமா! இப்போது தங்கத்தில் முதலீடு செய்யலாமா?

FRONT DESK
3 Min Read

gold rate 2023

தங்கம் எப்போதும் ஏழை மற்றும் நடுத்தர மக்களின் முக்கிய முதலீடுகளில் ஒன்றாகும். இதற்கிடையில் தங்கத்தின் விலை தொடர்ந்து உயர்ந்து கொண்டே செல்கிறது, ஏன் அதிகரிக்கிறது.இப்போது தங்கத்தில் முதலீடு செய்யலாமா வேண்டாமா என்று பார்ப்போம்.

பொது மக்கள் எப்போதும் தங்கத்தை தங்கள் முதல் சேமிப்பாக கருதுகின்றனர். நெருக்கடியான நேரத்தில் நமக்கு பணம் தேவை என்றால் தங்கம் நமக்கு மிகவும் உதவியாக இருக்கும். இதனால் பலர் தங்கம் வாங்குகின்றனர். கொரோனா தொற்றுநோய்களின் போது பொருளாதார நடவடிக்கைகள் ஸ்தம்பிதமடைந்துள்ள நிலையில், தங்கம் பொதுமக்களுக்கு பெரும் உதவியாக உள்ளது.

தங்கம் விலை

gold rate 2023_1

கலாச்சார ரீதியாக, தங்கம் இந்தியர்களுடன் தொடர்புடையது. பிறப்பு, திருமணம் என அனைத்து சுப தினங்களிலும் தங்கம் முக்கியம்.. இந்தியாவில் தங்கம் மிகவும் குறைவு. எனவே, இந்தியாவில் தங்கத்தின் தேவையை பூர்த்தி செய்ய, வெளிநாடுகளில் இருந்து இறக்குமதி செய்யப்படுகிறது. உலக அளவில் தங்கம் இறக்குமதி செய்யும் நாடுகளில் இந்தியாவும் ஒன்று. 2021ல் மட்டும் 1,068 டன் தங்கம் இறக்குமதி செய்யப்பட்டுள்ளது.

நிபுணர் கருத்து என்ன?

gold rate 2023_2

தலைநகர் சென்னையில் 24 காரட் தங்கம் தற்போது ஒரு கிராம் ரூ.5,800க்கு விற்பனை செய்யப்படுகிறது. கடந்த சில நாட்களாக தங்கம் விலையில் தொடர்ந்து ஏற்றம் இருந்து வருகிறது. புத்தாண்டில் தங்கம் வாங்கலாம் என்று நினைத்தவர்களுக்கு இது அடியாக வந்துள்ளது. நமது ஆனந்த் சீனிவாசன் தொடங்கி, பல நிபுணர்கள் தங்கத்தை சேமித்து வைக்கச் சொல்கிறார்கள், தங்கம் வாங்க இதுவே சரியான நேரம்.

காரணம் என்ன?

gold rate 2023_3

தங்கம் விலை தொடர்ந்து புதிய உச்சத்தை நோக்கி நகர்கிறது. அமெரிக்க டாலர் மதிப்பு உள்ளிட்ட பல்வேறு காரணங்களால் தங்கத்தின் விலை தொடர்ந்து உயர்ந்து வருகிறது. அமெரிக்காவில் பொருளாதார மந்தநிலை அச்சம் காரணமாக தங்கம் விலை தொடர்ந்து உயர்ந்து வருகிறது. சர்வதேச சந்தையில் ஒரு அவுன்ஸ் அதாவது 18 கிராம் தங்கம் 1,906 டாலருக்கு விற்பனையாகிறது.

அமெரிக்கா

gold rate 2023_4

கடந்த நான்கு ஆண்டுகளாக தங்கத்தின் விலை தொடர்ந்து அதிகரித்து வருவது குறிப்பிடத்தக்கது. அமெரிக்காவில் பணவீக்கம் குறையத் தொடங்கியதாலும், மத்திய வங்கி வட்டி விகிதங்களைக் குறைக்கும் என எதிர்பார்க்கப்படுவதாலும் தங்கம் விலை உயரத் தொடங்கியுள்ளது. அமெரிக்காவில், கடந்த இரண்டு ஆண்டுகளில் முதல் முறையாக, டிசம்பரில் மாத விலை சற்று குறைந்துள்ளது. இது அமெரிக்க முதலீட்டாளர்களுக்கு விலை கட்டுக்குள் வரும் என்ற நம்பிக்கையை அளிக்கிறது.

முதலீட்டாளர்கள்

gold rate 2023_7

உலகெங்கிலும் உள்ள முதலீட்டாளர்கள் முதலீடு செய்யும் ஒரு பொருளாக தங்கம் உள்ளது. எந்த நாட்டிலும் தங்கத்தின் விலை குறைவதில்லை. அமெரிக்க டாலரின் மதிப்புக்கு ஏற்ப தங்கத்தின் விலையில் ஏற்ற இறக்கம் இருக்கும். அமெரிக்காவிலும் பத்திரங்களின் விலைகள் குறையத் தொடங்கியிருப்பதால், இதுவும் தங்கத்தின் விலை உயர்வுக்கு வழிவகுத்தது. பணவீக்கம் குறையத் தொடங்கியுள்ளதால், அமெரிக்க பெடரல் ரிசர்வ் வங்கி வட்டி விகிதத்தை இனி வரும் காலங்களில் பெரிதாக உயர்த்தாது. இவை அனைத்தும் சேர்ந்து தங்கத்தின் விலையை உயர்த்தியுள்ளது.

வட்டி விகிதம்

gold rate 2023_5

எதிர்காலத்தில் தங்கத்தின் விலை உயருமா இல்லையா என்பது அமெரிக்கா எவ்வளவு வட்டி விகிதங்களை உயர்த்துகிறது என்பதைப் பொறுத்தே அமையும். பணவீக்கம் தற்போது எதிர்பார்த்த அளவு குறைந்திருந்தாலும், அமெரிக்கா இதை அதிகம் பார்க்கிறது. தொழில்நுட்ப ரீதியாக, தங்கம் 5,500 ரூபாய்க்கு நல்ல ஆதரவைக் கொண்டுள்ளது. இப்படிப்பட்ட சூழ்நிலையில், தங்கம் விலை இதைவிடக் குறைவதற்கான வாய்ப்புகள் குறைவு.

முதலீடு செய்யலாமா?

gold rate 2023_6

இனிவரும் காலங்களில் மேற்குலகில் மந்தநிலை ஏற்படும் என அஞ்சப்படுகிறது. மேலும், சர்வதேச நாடுகளிடையே ஒருவித பதற்றமான சூழல் நிலவுகிறது. இவை அனைத்தும் சேர்ந்து தங்கம் விலை உயர்வை ஏற்படுத்துகிறது. உலகில் நிச்சயமற்ற தன்மையும், மந்தநிலையும் இருக்கும்போது, ​​போர் போன்ற பதற்றமான சூழல் ஏற்படும் போது, ​​சர்வதேச முதலீட்டாளர்களின் முதல் தேர்வாக தங்கம் உள்ளது. ரஷ்யா – உக்ரைன் போர் முற்றிலுமாக முடிவுக்கு வரும் வரை தங்கம் விலை பெருமளவில் குறைய வாய்ப்பில்லை. அதே நேரத்தில், நீங்கள் தங்கத்தில் முதலீடு செய்யத் தொடங்கலாம், ஏனெனில் அது நீண்ட காலத்திற்கு எப்போதும் மதிப்புமிக்கதாக இருக்கும்.

SudharTech-Telegram

News-Sudhartech

Share This Article
Leave a comment

Leave a Reply

Your email address will not be published. Required fields are marked *